قام الفنان المصري خالد الصاوي بنشر مقطع فيديو علي حسابه علي منصة التواصل الاجتماعي انستجرام وهو يقوم باللعب مع كلابه ويحتضنهم حيث قام بتوجيه رسالة غامضة الي بعض الشخصيات المعروفة في الوسط الفني ، حيث كتب الفنان خالد الصاوي علي الفيديو : “دول أعرفهم من كام سنة بس وبيرحبوا بيا كده ومش عايزين مصلحة، بينما الناس دكها ودكهم ودول عشرة عشرين وثلاثين سنة وأتصل لعرض مشروع أو طلب صغير بعشم السنين ميردوش أو يردوا ويقولوا بكرة نخلصها ويدوبوا، وفجأة أصحى بعد شهرين على حد منهم اتصل عشر مرات وكلم مكتبي وبيتي بل وبيت أمي وياخدني بالصوت ويعتب عليا عشان مش بسأل”.
ثم تابع خالد الصاوي الكلام عن كلابه قائلاً انها تأكل معه وتستقبله دائماً وتحميه من اي اصوات غريبة ، “كلابي بتاكل معايا ودول بيحاولوا دايمًا يأكلوا آخر دفعة مني، كلابي بتعملي هيصة لو سمعت صوتي جاي من التليفون أو أخش الكمباوند، بس دول بيغيروا أرقامهم لما تخلص حاجتي من ستي وما يفكروش يبعتولي الجديدة، كلابي بتكتئب وتنام جنبي وتمسح دمعي وأنا نايم لما بكون حزين أو عيان أو مشقوط بين إنتاج مش بيدفع وضرايب ما بترحمش، أما دول فرغم العشرة والأحضان والتلزيق لكن في ظهري بياخدوا صف خصومي وهم عارفين أن خطيئتي الكبرى بالنسبة لهم ولأسيادهم إن دمي حر لا أقبل إهانة من أي حد مهما كان حجمه”.
وأضاف: “كلابي زيي بتشتبك مع أي كلب يفكر يبلطج وساعات اخش معاهم وأدي المغرور صاحب العدو نصيبه، وأروح البيت مع كلابي وعيالي آخر هيبرة، رغم الكدمات والخدوش واثقين في إخلاصنا لبعض وعزة نفسنا، مستعدين للي بعده، وتمر لحظة شجن يعدي طيف ميكي حبيب قلبي اللي كان الأقل حجمًا بس الأشرس، وهو الذكر القائد على أربعة من فصيلته وثلاثة بلدي”.
وفي ختام منشوره قال خالد الصاوي انه اصبح مرتاحاً الآن من اصدقاء المصلحة والاصحاب معدومي النخوة ، فهو لم يعد يطيق اصحاب المصلحة الذين زحفوا بحريتهم الأخيرة صوب معبد الذهب وعبودية الأنانية والندالة وعبادة الفلاتر والمؤثرات ومكياج الترند” علي حد قوله .
وتجدر الاشارة الي ان الفنان خالد الصاوي قد قام من قبل بالرد علي الشائعات المنتشرة حول وفاته قائلاً انه دائماً يعاني من هذه الاشاعات المتكررة منذ 4 سنوات تقريباً ، قائلاً في احد منشوراته علي الانستجرام : أنا موتوني 4 مرات من 4 سنين، وأحيانًا قالوا إن أنا أولادي ماتوا، اللهم احفظنا طبعًا بس أنا معنديش ولاد الحقيقة .
